Malalamiko mengi yamekuwa yakitolewa tangu kufunguliwa kwa kanisa la Healing Ministry, katika Kaunti ya Machakos, nchini Kenya, ambapo wanawake wamekuwa wahanga wa migogoro na waume zao kisa ibada.
Migogoro hiyo imekuja baada ya wanawake kuthamini zaidi kanisa na kuwaacha waume zao nyumbani na kwenda katika mikesha ya maombi nyakati za usiku na kulala huko.
Inasemekana kuwa hatua hiyo imepelekea migogoro mingi kwenye baadhi ya familia, ambapo kulizuka malalamiko kuwa wanawake wanaosali kwenye kanisa hilo wanasali wakiwa wamevua nguo zote.
Inadai kuwa siku moja watu wa eneo hilo walivamia kanisani usiku na kuwakuta wanawake wakiwa wanaombewa bila kuwa na nguo (uchi) ambapo kwa mujibu wa Kasisi, alijitetea kuwa alikuwa akiwafanyia ibada maalum.
Kwa mujibu wa Mwenyekiti wa muungano wa wafanyabiashara wa eneo hilo, Duncan Mutua, amesema kuwa baada ya kuvamia kanisa hilo walikuta kweli wanawake wanaombewa wakiwa hawana nguo yoyote na Kasisi kudai kuwa walikuwa katika maombi maalum.
Ameongeza kuwa wasiwasi mkubwa kuhusu shughuli za Kanisa hilo uliongezeka baada ya wanawake wa eneo hilo kutumia muda wao mwingi kanisani na hata kuwaacha waume wao usiku na kwenda kwenye ibada za mkesha.
Post a Comment